|
Одржани едукациите за безбедност на интернет и во Битола |
|
|
|
Младинскиот културен центар од Битола реализираше серија едукативни средби за безбедно користење на интернетот од страна на децата кон крајот на изминатата учебна година. Беа опфатени средното училиште „Ѓорѓи Наумов“ и основното „Ѓорѓи Сугарев“. Едукациите се спроведоа на македонски јазик од страна на Дејан Додовски, но помогнаа и Ивона Крстевска и Александар Тодоровски. Со содржината на едукациите се запознаа вкупно 186 ученици од двете училишта, само 6 професори и 8 волонтери од центарот.
Сите едукации се спроведоа во текот на месец мај. Од средното училиште,
учество на едукациите земаа 116 средношколци организирани во три
едукативни средби. Од професорите, на закажаната средба дојдоа 8.
Едукациите се одвиваа интерактивно, со проследување на стандардната
презентација наменета за соодветната целна група, а беа поделени и сите
предвидени материјали и евалуациони прашалници. Импресиите и на едната
и на другата категорија на луѓе од одржаните едукации се позитивни.
Во основното училиште исто така беа организирани 3 едукации за ученици
на кои присуствуваа вкупно 70 деца. Беше спроведена и една едукација за
наставници, додека едукацијата за родители, како и во средното училиште
не успеа да се реализира. Затоа пак, со темата се запознаа 8 волонтери
од Младинскиот културен центар во Битола. Едукациите и во ова училиште се
реализираа според предвидениот план и начин што подразбира
презентација, интерактивност, делење на едукативни материјали и
пополнување на евалуациони прашалници.
|
