| Kontrolli prindëror |
|
|
|
Softuerët për kontroll prindëror u mundësojnë prindërve të zgjedhin lojëra të cilat mund t’i luajnë fëmijët e tyre, të lejojnë aplikacionet të cilat mund t’i shfrytëzojnë dhe ueb-faqet të cilat mund t’i vizitojnë. Gjithashtu, me ndihmën e këtyre programeve mund të specifikohen periudhat kohore kur fëmijët mund të shfrytëzojnë kompjuterin, kurse ndalesat të mbesin edhe kur ata nuk do të jenë në shtëpi. Në këtë mënyrë, ata mund të jenë të sigurt se fëmijët nuk luajnë në kompjuter, në vend që t’i bëjnë detyrat e shtëpisë.
 Për kontroll të tillë prindëror, ndoshta nuk do të keni nevojë për softuer shtesë nëse e shfrytëzoni sistemin operativ – Windows Vista. Tani prindërit, duke iu falënderuar veglës e cila gjendet në Control Panel, mund të krijojnë profile të veçanta për shfrytëzues për f[fëmijët e tyre dhe atë përkatëse sipas moshës së tyre dhe interesave personale. Gjatë kësaj, ashtu siç rritet fëmija, profilet shfrytëzues për përdorimin e kompjuterit mund të ndryshohen. Nga ky lokacion qendror, mundeni të konfiguroni kontroll prindëror për kompjuterin tuaj. Nëse e keni të shkyçur kontrollin prindëror, së pari kyçeni, pastaj mundeni ta kufizoni shfrytëzimin e aplikacioneve nga ana e fëmijës tuaj, luajtja e lojërave, ueb-faqe të cilat mundet t’i vizitojë dhe kohën sa mund të qëndrojë gjatë ditës për gjitha këto aktivitete. Çka nëse nuk përdorni Windows Vista dhe për çfarëdo arsye nuk jeni të gatshëm të kaloni në këtë sistem operativ? Ekzistojnë me të vërtetë shumë programe të cilat mund t’ju ndihmojnë në kufizimin e aktiviteteve të fëmijëve tuaj derisa janë onlajn, por mes tyre ka dhe të tilla për të cilat duhet të paguhet, si dhe prej tyre që janë falas, por nuk janë mjaftueshëm funksional. Që të bllokoni shfaqjen e përmbajtjeve të papërshtatshme që janë pjesë e disa ueb-faqeve, ju nevojitet filtër për ueb-përmbajtje. Nëse ju shfletoni Internetin me Internet Explorer, filtri i këtillë është pjesë përbërëse e tij dhe mundeni direkt ta konfiguroni këtu. Shkoni në menynë Tools dhe prej aty zgjidhni Internet Options. Në opsionin Content mund të caktoni cilat faqe mund t’i shfletojë fëmija juaj, edhe pse ky filtër i integruar ka sistemin e vetë për rangimin e ueb-faqeve. Nëse jeni shfrytëzues të Mozilla Firefox, mund të shërbeheni me disa zgjerime të cilat mund t’ju ndihmojnë në disa punë të rëndësishme të këtij lloji. Nga menyja Tools zgjidhni Extensions dhe klikoni në linkun për zgjerime plotësuese (ose thjeshtë ndiqni linkat e mëposhtëm). Do t’ju hapet faqja ku duhet të kërkoni këto në vijim:
Në mënyrë alternative, ju mund të shërbeheni me softuerin falas K9 Web Protection i cili mundëson filtrimin e ueb faqeve, ndërsa për filtrim të tërësishëm të përmbajtjeve të internetit provojeni programin falas Naomi. Krahas bllokimit të ueb-përmbajtjeve deri te të cilat mund të vijnë fëmijët tuaj, që t’i mbroni nga rreziqet që ndodhin në internet, ndonjëherë është e nevojshme edhe ta kufizoni shfrytëzimin e programeve me të cilat shërbehen fëmijët për aktivitete të ndryshme onlajn. Qëllim të tillë ka programi ChatController i cili mundëson të bllokohet qasje deri te programet për instant komunikim që janë të instaluara në kompjuter edhe atë sipas vetë aplikacionit, shfrytëzuesit ose periudhës gjatë ditës. Edhe pse të gjitha këto këshilla dhe programe duhet t’ju ndihmojnë në mbrojtjen e fëmijëve tuaj derisa ato janë onlajn, megjithatë thelbësorja që duhet bërë para se të filloni të vendosni rregulla rigoroze, është të bisedoni me ta. Duhet t’u sqaroni se me të vërtetë ekzistojnë rreziqe të cilat mund vijnë nga përdorimi jo adekuat i internetit që mund t’i sjellë në rrezik, madje të rrezikojnë edhe sigurinë e gjithë familjes. Gjithsesi, programet për mbrojtje të sistemit dhe ato për kontroll prindëror mund t’ju ndihmojnë shumë, por e rëndësishme është ajo që do të bëni në drejtim të edukimit të fëmijëve tuaj dhe zhvillimin e vetëdijes së tyre në drejtim të duhur. Në tabelën e mëposhtme është bërë një seleksionim i disa veglave të cilat mund t’ju ndihmojnë në realizimin e këtij qëllimi.
|
|||||||||||||||||
