Sigurt në Internet

Vajza nuk ka qenë shfrytëzuese e regjistruar e shërbimit, d.t.th. nuk ka pasur profilin e saj në Youtube. Mirëpo, një ditë ka vërejtur se në të ka një video që paraqet një kolazh me fotografi të saja. Nuk ka pasur asgjë të keqe në fotografitë, e as në videon si tërësi. Problemi ka ndodhur në momentin kur kanë filluar të paraqiten komente të pahijshme nën atë video. Pasiqë vajza ka qenë e nacionalitetit shqiptar, edhe komentet janë shkruar në gjuhën shqipe. Kur ajo e ka paraqitur videon në Drejtorinë për mbrojtje të të dhënave personal, ata menjëherë e kanë paraqitur videon te shërbimi Youtube si të papërshtatshme, e pastaj këtë e ka bërë edhe vetë vajza. Është dashur që shfrytëzuesi ndaj të cilit është bërë shkelja e privatësisë, vetë ta paraqesë videon konkrete. Mirëpo, edhe pas këtyre përpjekjeve, videoja nuk është larguar nga shërbimi. Kjo ka ndodhur për shkak se në përmbajtjen e saj nuk ka pasur asgjë problematike, ndërsa komentet nuk kanë qenë në gjuhën angleze, që t'i kuptonin të gjithë. Në ndërkohë, vajza ka filluar të marrë kërcënime nëpërmjet e-mailt nga personi i njëjtë që e ka vendosur videon në Youtube. Ai i ka kërkuar para në këmbim të premtimit se do ta heqë videon nga shërbimi. Për fat, Drejtoria e ka zgjidhur rastin me Youtube-in dhe një muaj pasi ka filluar e gjitha, videoja më nuk është gjendur në Youtube. Për kërcënimet që i ka marrë, vajzës i është thënë se mund të ngrejë padi penale, që do thotë se do të mund të merrte edhe kompensim në të holla për ngarkesën psikike që e ka pasur gjatë gjithë kësaj kohe.

Nëse ke përjetuar situatë të ngjashme të pakëndshme, ose nëse diçka e këtillë të ndodh në të ardhmen, rastin paraqite te drejtoria, duke dërguar e-mail në Kjo adresë e-mail-i është e mbrojtur nga spam bots, duhet të aktivizoni Java skriptet për të parë atë Ueb faqja e tyre, në të cilën përveç të dhënave për kontakt, do të gjesh edhe shumë udhëzime të dobishme dhe masa për ruajtje të privatësisë, është dzlp.mk.