Sigurt në Internet

Interneti është vend i shkëlqyeshëm për informim, shoqërim dhe zbavitje, mirëpo, njëkohësisht ai është edhe burim i rreziqeve të shumta. 4 rregullat e mëposhtme do të të ndihmojnë të jesh i sigurt derisa e përdor Internetin:

Botuar në: Kolibri, Nova Makedonija
Data e botimit: 06.10.2008, e martë

Asnjëherë mos i jep të dhënat e tua personale në Internet, përveç nëse ndonjëri nga prindërit e tu nuk të thotë se është në rregull që t'i japësh. Të dhëna personale janë emri yt, adresa, telefoni, mosha, rasa, emri ose lokacioni i shkollës, vendi yt më i preferuar për lojë dhe për mbledhje me shokët apo shoqet, emrat e shokëve apo shoqeve dhe të ngjashme. Të gjitha këto janë informata personale dhe nuk duhet të ndahen me secilin, e veçanërisht jo me njerëz të cilët i njeh vetëm nëpërmjet Internetit.   

Asnjëherë dhe askujt mos ua trego fjalëkalimet (ang. password) që i shfrytëzon në Internet, bile as shokëve apo shoqeve të tu.



 

Asnjëherë mos shko të njoftohesh për së gjalli me ndonjë shok apo shoqe onlajn të cilin e njeh vetëm nëpërmjet Internetit, përveç nëse nuk pajtohen prindërit e tu se është në rregull që të shkosh. Bil edhe atëherë - shko me ndonjërin nga prindërit e tu apo me dikë tjetër të moshuar në të cilin ke besim dhe takohuni në vend publik.

Poqese je tinejxher në moshë më të madhe, me gjasë nuk do të vendosësh që të shkosh me prindin. Megjithatë mos shko vet, merr me vete së paku një shok apo shoqe tëndin. Me këdo që të vendosësh të shkosh - merruni vesh që të takoheni në vend publik. 

 

Asnjëherë mos u përgjigj në porositë që të bëjnë të ndihesh në mënyrë të pakëndshme (të turpërohesh, të frikësohesh apo në çfarëdo mënyre të bëjnë të ndihesh keq). Injoroji këto porosi dhe ndërprite komunkimin me atë që t'i dërgon, menjëherë tregoji ndonjërit nga prindërit e tu apo ndonjë të moshuari tjetër te i cili ke besim.



Poqese i respekton këto 4 rregulla themelore, mund të kënaqesh me të gjitha begatitë e Internetit, në mënyrë të sigurt dhe pa brenga.