Безбедно на интернет

Овој документ содржи интересни идеи кои можат да ви дадат насоки како да организирате вежби со играње улоги. Дадени се неколку предлози кои вие можете да ги модифукувате и да ги изведувате во различни варијанти. Вежбата е корисна и интересна за децата кои учествуваат во самата вежба, но и за оние кои се наоѓаат во публиката.

Документот содржи пет конкретни случаи кои се однесуваат на некои активности на интернет. Учениците треба да изберат еден од понудените одговори што треба да одговараат на она што тие би го направиле во конкретната ситуација. Во продолжение на секој случај, оставен е краток простор за образложение.

Презентацијата содржи: запознавање со основните поими за интернет, користење на интернетот од страна на децата и тинејџерите, како да им помогнете на вашите ученици во заштитата од можните опасности на интернет

Вежбата е корисна бидејќи овозможува практично да се искуси ситуација во која соговорникот на интернет ни поставува обични прашања на кои сепак треба многу внимателно да одговараме. Оваа вежба можете да ја користите за едукација на вашите ученици на следниот начин: испечатете го документот и поделете им го на учениците за да ги пополнат со пенкало празните места предвидени за одговарање на прашањата на соговорникот. Потоа заеднички читајте ги и дискутирајте што е правилно а што не, односно кои одговори можат да ја загрозат нивната безбедност.